ನಗು..

ಒಮ್ಮೆ ನಗು..

ಯಾರಿಗಾಗಿಯೂ ಅಲ್ಲ.. ಕೇವಲ ನಿನಗಾಗಿ ನಗು..

ಮನಸು ಹಗುರವಾಗಿ ಹಕ್ಕಿಯಾಗಿ ಹಾರಲಿ

ಎಲ್ಲೋ ನೋವುಗಳು ನಿನ್ನ ಬಿಟ್ಟು ದೂರ ಹಾರಿಹೊಗಲಿ

ನೆನ್ನೆಗಳ ಕಹಿ ನೆನಪುಗಳು ಬಾಳ ಪುಟದಿಂದ ಅಳಿಸಿಹೋಗಲಿ

ಇಂದು ನಾಳೆಗಳ ಹೊಸ ಹುರುಪಿನ ಶಕೆ ಶುರುವಾಗಲಿ

ಎಲ್ಲ ಚಿಂತೆಗಳ ಮರೆತು ಒಮ್ಮೆ ನಕ್ಕು ಬಿಡು

ಆ ನಿನ್ನ ಮುದ್ದು ಮನಸ್ಸು ಮತ್ತೆಂದು ಮುದುಡದಿರಲಿ..

ಆ ನಿನ್ನ ನಗು ಎಂದು ಶಾಶ್ವತವಾಗಿರಲಿ...

ಒಮ್ಮೆ ಬರುವ ನಾಳೆಗಳ ನೆನೆ..

ಎಲ್ಲ ನೋವುಗಳ ಮರೆ..

ಬೇಡ ಭಾವನೆಗಳ ಹೊರೆ..

ಮತ್ತೆ ಬರುವೆ..ಒಬ್ಬಳೇ ನಿನ್ನ ಸವಿ ನೆನಪುಗಳ ಕದಿಯಲು..

ತಣ್ಣನೆ ಹೊತ್ತಲ್ಲಿ  ಒಬ್ಬಳೇ ಕುಳಿತೆ..

ಯಾಕೋ ಏನೋ ಅದೇನೋ ಚಿಂತೆ

ಕಾಡಿದೆ ಯಾವುದೊ ಕನಸಿನ ಕಂತೆ...

ನನ್ನ ಮೌನವ ಕದ್ದು ಕೇಳಿದೆ ಪಕ್ಕದಲ್ಲಿ ಹಬ್ಬಿದ ಲತೆ..

ತಂಪು ತಂಗಾಳಿ ತಬ್ಬಿ ಕೇಳಿತು ಏನೇ ನಿನ್ನ ಕಥೆ ...

ಎಷ್ಟು ಸೊಗಸು ಅಲ್ಲವೇ ಸವಿ ನೆನಪುಗಳ ಮೆಲಕು

ಮುದುಡಿದ್ದ ಮನಕ್ಕೆ ಎಲ್ಲಿಲ್ಲದ ಚುರುಕು...

ಮೊಗದಲ್ಲೇ ಸಣ್ಣಗೆ ಮಿಂಚಿ ಮಾಯವಾಗುತಿದೆ ಒಂದು ತುಂಟ ನಗು..

ಗೊತ್ತೇ? ನನಗೆ ನಿನ್ನದೇ ಹಂಬಲ..

ಯಾಕೆ ಈ ಥರ?

ಯಾಕೀ ಕಾತುರ?

ಉತ್ತರವಿಲ್ಲದ ಪ್ರಶ್ನೆಯೋ?

ಪ್ರಶ್ನೆಗೆ ನೀನೆ ಉತ್ತರವೋ?

ಹ್ಹ ಹ್ಹ ಹ್ಹ...

ನಿನ್ನ ಮೆಚ್ಚಿ.. ಹಚ್ಚಿಕೊಂಡ ..ಪ್ರೀತಿಯ ಹುಚ್ಚಿ ನಾನು..

ನನ್ನ ಮೆಚ್ಚಿ.. ಪ್ರೀತಿ ಹಂಚಿದ ಮುದ್ದು ಹುಡುಗ ನೀನು...

ನಿನ್ನ ನೆನಪಲ್ಲಿ ಹೊತ್ತು ಕಳೆದದ್ದೇ ತಿಳಿದಿಲ್ಲ

ಮಬ್ಬು ಕವಿದಿದ್ದರ ಅರಿವೇ ಇಲ್ಲ

ಮತ್ತೆ ಬರುವೆ..ಒಬ್ಬಳೇ ನಿನ್ನ ಸವಿ ನೆನಪುಗಳ ಕದಿಯಲು..

ನಮ್ಮ ನಾಳೆಗಳ ಸಿಹಿಗನಸುಗಳ ಹೆಣೆಯಲು..

                                                                      ***ರಂಜನಿ ಎಸ್ ಬಳಿಸಾವಿರ್***

ಬರುವೆ ಓಡಿ ಓಡಿ ಒಲಿದು..

ಗೆಳೆಯ ಅದೇ ಹಾದಿ..

ಆಗ ನೀನ್ನಿದ್ದೆ ಜೊತೆಯಾಗಿ..

ನನ್ನ ನಗುವಿಗೆ ನಗುವಾಗಿ..

ಮಾತಿನ ಮಳೆಯಾಗಿ..

ಮುದ್ದಿನ ಗಣಿಯಾಗಿ..

ಈ ಹುಚ್ಚು ಹುಡುಗಿಯ ಮೆಚ್ಚಿನ ಗೆಳೆಯನಾಗಿ...

ಅದೆಲ್ಲೇ ಹೊಂಚು ಹಾಕಿತ್ತೋ ಆ ದುಷ್ಟ ವಿಧಿ

ನಾವೆಂದರೆ ಅದಕ್ಕೇನೋ ಹೊಟ್ಟೆ ಉರಿ..

ಮಾತು ಮಾತಲ್ಲೇ ಮುನಿಸು ನುಸುಳಿತ್ತು

ನಮಗೆ ಅರಿವಾಗುವುದರಲ್ಲೇ ನಗೆ ಮಾಯವಾಗಿತ್ತು..

ವಿಧಿಗಿಂತ ದುಷ್ಟ ನೀನು...

ನನ್ನ ಮೇಲೆ ಕೋಪಿಸಿಕೊಂಡು ನೀ ಹೊರಟು ಹೋಗಿದ್ದೆ

ಈ ಹುಚ್ಚು ಹುಡುಗಿಯ ಆಸೆ ನುಚ್ಚು ನೂರು ಮಾಡಿದ್ದೆ..

ನಾ ನಿನ್ನ ಅದೆಷ್ಟು ಹಚ್ಚಿ ಕೊಂಡಿದ್ದೆ..

ರಚ್ಚೆ ಹಿಡಿದು ನೀ ಬಿಟ್ಟು ಹೋದಲ್ಲೆ ಕುಳಿತಿದ್ದೆ

ನಿನ್ನದೋ ಎಂದಿನಂತೆ ಕಲ್ಲು ಹೃದಯ

ಅಲ್ಲೇ ನನ್ನ ಬಿಟ್ಟು ಮುಖ ತಿರುಗಿಸಿ ಮುನ್ನಡೆದಿದ್ದೆ..

ಥು.. ಕಟುಕ..ನಾನೇ ಬರುತಿರುವೆ ನಿನ್ನ ಬಳಿ..

ನನ್ನಾಣೆ... ಇವಾಗಲಾದರು ನಿನ್ನ ಕಲ್ಲು ಹೃದಯ ಕರಗಲಿ..

ಮತ್ತೆ ನನ್ನ ನಿನ್ನ ಸ್ನೇಹ ಚಿಗುರಲಿ

ಎಲ್ಲರು ಅದನ್ನು ಕಂಡು ಎಂದಿನಂತೆ ಹೊಟ್ಟೆ ಉರಿದುಕೊಳ್ಳಲಿ

ಅದನ್ನು ನೋಡಿ ನಮ್ಮ ಸ್ನೇಹ ಇನ್ನು ಗಟ್ಟಿಯಾಗಲಿ..

                                              -ನಿನ್ನ ಗೆಳತಿ

                                                                 ***ರಂಜನಿ ಎಸ್ ಬಳಿಸಾವಿರ್***

ಮೆಲುಕು..

ಒಂಟಿತನ ಹೇಗೆ ಶಾಪವೋ..

ಕೆಲವೊಮ್ಮೆ  ದೇವರು ಕೊಟ್ಟ ವರ..

ಸುಮ್ಮನೆ ಒಬ್ಬಳೇ ಕೂರುವುದಲ್ಲೂ ಏನೋ ಹಿತ..

ಒಮ್ಮೆ ನೀನಿಲ್ಲ ಎಂಬ ಕೊರಗು..

ಮರು ಕ್ಷಣ ನಿನ್ನ ಮಾತು ಕಿವಿಯಲ್ಲಿ ಕೇಳಿಸಿದ ಹಾಗೆ..

ನೀ ಬಳಿ ಸುಳಿದ ಹಾಗೆ..

ನೀ ನಕ್ಕ ಭಾಸ..
ಮೊದಲ ಭೇಟಿಯ ಸಿಹಿ..
ಇನ್ನು ಹಸಿರಾಗೇ ಇದೆ..

ನೀ ಈಗ ಬಂದೆ ಅಂತ  ಹೇಳಿ  ಹೋದರು..
ಅದೇನೋ ಚಡಪಡಿಕೆ..
ನಿನ್ನ ಬರುವಿಕೆಗೆ ಕಾದು ಕುಳಿತಿರುವೆ..
ನನ್ನ ಬಳಿ ಹೆಚ್ಚೇನು ಇಲ್ಲ

ಬೊಗಸೆಯಷ್ಟು ಪ್ರೀತಿ ಹಿಡಿದ ನಿನಗೆಂದೇ ಕಾದಿರುವೆ..
ನಿನ್ನ ನೆನಪುಗಳದ್ದೆ ಮೆಲಕು..