ಸವಿ ನೆನಪು.....

ಬರೆದೆ ಹೊಸ ಕವಿತೆ ನಿನ್ನದೇ ನೆನಪಿನಲ್ಲಿ,
ನಿನ್ನ ನನ್ನ ಸ್ನೇಹದ ಬೆಚ್ಚನೆ ಭಾವದಲ್ಲಿ,
ಏನೂ ತೋಚದೆ ಹಾಳೆಗಳೆಲ್ಲ ಖಾಲಿ ಖಾಲಿಯಾಗಿತ್ತು,
ಏಕೋ ಮನದಲ್ಲಿ ಮೌನ ಹಠ ಹಿಡಿದು  ಕುಳಿತಿತ್ತು,
ಮಾತು- ಮೌನದ ನಡುವೆ ಕಧನ ನಡೆದಿತ್ತು,
ಹೃದಯದ ಬಡಿತ ನಿಚ್ಚಳವಾಗಿ ಕೇಳಿಸಿತ್ತು,
ತಿಳಿ ತಂಗಾಳಿಯಲ್ಲೂ  ಮನ ನಿಟ್ಟುಸಿರು ಬಿಟ್ಟಿತ್ತು,
ನೆನಪಿನ ಓಟ ಮೈಲಿ ದೂರಗಳೆಡೆಗೆ ಎಲ್ಲೋ ಸಾಗಿತ್ತು,
ಯಾಕೋ ಏನೋ ನಿನ್ನ ನೆನಪು ಅತಿಯಾಗಿ ಕಾಡಿತ್ತು,
ನೀನು ನನ್ನ ಬಿಟ್ಟು ಬಹು ದೂರ ನಡೆದಾಗಿತು,
ಆಕಾಶದೆಡೆಗೆ ನನ್ನ ನೋಟ ಸರಿದಿತ್ತು,
ಆ ದೂರದ ನಕ್ಷತ್ರದಲ್ಲಿ ನಿನ್ನ ಮೊಗ ಕಂಡಿತ್ತು,
ದೈರ್ಯಗೆಡಬೇಡ ಗೆಳತಿ, ಸದಾ ನಾ ನಿನ್ನೊಡನೆ
ಇರುವೆ ಎಂದು ದೈರ್ಯ ಹೇಳಿತ್ತು...

ನನ್ನ ನಿನ್ನ ಸ್ನೇಹ

ಹೃದಯವನ್ನು ಬಚ್ಚಿಟಿದ್ದೆ - ಯಾರಾದರು ಕದಿಯಬಹುದೆಂದು,
ಕೋಪವ ಮೊಗದಿ ಬಿಚ್ಚಿಟಿದ್ದೆ- ಯಾರಾದರು ನಗುವ ಮೆಚ್ಚಬಹುದೆಂದು,
ಅದ್ಯಾವ ಗಳಿಗೆಯಲ್ಲಿ ನಿನ್ನ ಆಗಮನವಯಿತೋ?
ಅದ್ಯಾವ ಕ್ಷಣದಲ್ಲಿ ಸ್ನೇಹದ ತಂಗಾಳಿ ಬೀಸಿತೋ?
ನನ್ನ ಹೃದಯ ನಿನ್ನ ಪಾಲಾಯಿತು...
ಕೋಪ ಚೂರು ಚೂರಾಯಿತು...
ನಗುವು ಮೊಗದಲಿ ಮನೆ ಮಾಡಿತು..