ನೀ ಬರುವ ದಾರಿ ಇದೆ ಎಂದು
ನಾ  ಕಾಯುತಿರುವೆ  ನಿನಗಾಗೆ  ಇಂದು

ನೀ ಬರುವೆ  ಎಂದು ಹೇಳಿ  ಹೋಗಿ 

ಬಹಳವೇ ಸಮಯವಾಗಿದೆ
ಆಗಿನಿಂದಲೂ ನಿನ್ನ ಕಾಯುವುವಿಕೆಯೇ
ನನ್ನ ಕೆಲಸವಾಗಿದೆ..

ಪ್ರೀತಿಯ ದಾರಿಯೆಲ್ಲ ಒಪ್ಪ ಓರಣ..

ಒಲವಲಿ.. ನಿನ್ನ ಒಲವಲಿ..

ನಾ ನಿನಗೊಲಿದೆನು ನಿನ್ನ  ಒಲವಲಿ..

ಮಾತೊಂದನು  ನೀನಾಡದೆ

ನನ್ನ ಒಪ್ಪಿದೆ ನಿನ್ನ ಕಣ್ಣಂಚಲಿ

ಪೆದ್ದು ಮನಸ ಕದ್ದೆಯಲ್ಲೇ

ಕಣ್ಣೋಟದ ಸಂಚಲಿ..

ನನ್ನಲಿ ನಾನಿಲ್ಲದಾದೆನೆ ಅದೇನೋ ಗಲಿಬಿಲಿ

ಹುಚ್ಚನಾಗಿ  ಅಲೆದೆನು ಅದೆಲ್ಲೋ ಅದೇನೋ ಗುಂಗಲಿ

ಮಾತೆಲ್ಲ ಹಾಡಾಯಿತು ನಿನ್ನ ಮಾತಿನ ಮತ್ತಲ್ಲಿ

ಸುತ್ತಲು ಕತ್ತಲೋ ಬೆಳಕೋ ಯಾವ ಗೊಡವೆ ನನಗಿನ್ನೇಕೆ

ನಾ ಈ ಜಗವನೆ ಗೆದ್ದೇ ನಿನ್ನ ನಗುವ ಮತ್ತಲಿ

ನೀ ಬಳಿ ಇರಲು ಇಲ್ಲೇ ಸ್ವರ್ಗ; ನೀನೆ ನನ್ನ ಬಳುವಳಿ

ನನ್ನಲ್ಲೇ ನೀ ಉಳಿದು ಹೋದೆ.. ಅಬ್ಬಾ... ಎಂಥಹ ಅಚ್ಚರಿ

ಕಣ್ಮುಚ್ಚಿದರೆ ನಿನ್ನದೇ ಒಡನಾಟ..

ಎದ್ದಾಗ. ನೀಬಳಿ ಇರದಿರಲು.. ಏನೋ ಚೂರು ಗಾಬರಿ

ಮತ್ತೆ ಕಣ್ಮುಚ್ಚಲು ಅದೆಷ್ಟು ಸಿಹಿ ಸಂಭ್ರಮ

ನೀನೆ ಮತ್ತೆ ಬಳಿಯಿರಲು ನನ್ನ ಎದುರಲಿ...

ಹೇಳದೆ ಕೇಳದೆ ನಾ ಕಟ್ಟಿರುವೆ  ಮನದ ಬಾಗಿಲಿಗೆ

ನಿನ್ನದೇ ನೆನಪಿನ ತೋರಣ...
ಈ ಪರಿಯ ಹುಚ್ಚಿಗೆ, ಈ ಪರಿಯ ಪ್ರೇಮಕೆ
ಹೇಳು ನೀನೆ ತಾನೇ ಕಾರಣ
ಎದೆಯ ಬಾಗಿಲಲ್ಲೇ ನಾ ಕಾದಿರುವೆ

ಪ್ರೀತಿಯ ದಾರಿಯೆಲ್ಲ ಒಪ್ಪ ಓರಣ..

ಹಾಡು ಹಕ್ಕಿ...ಹಾಡು

ಹಾಡು ಹಕ್ಕಿ.. ನೀನು ಹಾಡು ಹಕ್ಕಿ..

ಬೇಡ ನಿಂಗೆ ಯಾವ ಭೀತಿ

ಇರಲಿ ಮನದಲ್ಲಿ ನನಗಾಗೆ ಚೂರು ಪ್ರೀತಿ

ಹಾಡು ಹಕ್ಕಿ ಹಾಡು..

ನನ್ನ ಮನದ ಹಾಡು

ನನ್ನ ನೋವುಗಳನ್ನೆಲ್ಲಾ ಸಾಲು ಸಾಲಾಗಿ ಬರೆದಿಹೆ

ಈಗ ಮನವೆಲ್ಲ ಖಾಲಿ ಖಾಲಿ

ಮನದಣಿಯೆ ಹಾಡು..

ನಾನಿಲ್ಲೇ ನಿನ್ನದೇ ನಿರೀಕ್ಷೆಯಲ್ಲಿ ಕುಳಿತಿರುವೆ ನೋಡು

ಯಾರು ಕೇಳಿದರೆನಂತೆ..? ಕೇಳದಿದ್ದರೆನಂತೆ..?

ನಾನಿರುವೆ ನಿನಗೆ.. ನನಗಾಗಿ ನೀನು..

ಕೂಡಿ ಹಾಡೋಣ..

ಹಾಡಿ ಕುಣಿಯೋಣ...

ನಮಗೇಕೆ ಈ ಲೋಕದ ಚಿಂತೆ
ನಿನ್ನ ನೋವಿಗೆ ದನಿಯಾಗಿರುವೆ ನಾನು
ನನ್ನ ನೋವಿಗೆ ದನಿಯಾಗಿ ನೀನು..
ನಿನ್ನ ದನಿಯಲ್ಲಿ ನೋವೆಲ್ಲಾ ಮರೆತೆ!!!
ನನ್ನ ಬಾಳಿನ ಸಂಜೀವಿನಿ ನೀನು!!!

ಹಾಡು ಹಕ್ಕಿ ಹಾಡು..
ನನ್ನೀ ಜೀವ ತಂಪಾಗಲಿ..
ಕಣ್ಣೇರು ಬತ್ತಿ ಹೋಗಲಿ..
ಮತ್ತೆಂದು ಈ ಹೃದಯ ಚೂರಾಗದಿರಲಿ..
ಹಾಡು ಹಕ್ಕಿ ಹಾಡು...

ಸ್ನೇಹವೆಂಬುದು ಎಲ್ಲದಕ್ಕೂ ಮೀರಿದ್ದು...

ಮಾತೆ ಅರ್ಥವಾಗದವನಿಗೆ..

ಮೌನವೇನು ಅರ್ಥವಾದೀತು...?

ಇಷ್ಟು ದಿನದ ಸ್ನೇಹದ ಬೆಲೆ ಮರೆತು ಹೋದವನಿಗೆ

ಚುಚ್ಚು ನುಡಿಗಳ ಗಾಯದ ನೋವೇನು ತಿಳಿದೀತು..

ಬರಿ ತನ್ನ ನೋವೆ ಹಿರಿದೆನ್ನುವವನಿಗೆ

ತಾನು ಇನ್ನೊಬ್ಬರ ನೋಯಿಸಿದ್ದರ ಪರಿವೆ ಎಲ್ಲಿದ್ದೀತು?

ಬೇರೆಯವರ ತಪ್ಪೆ ದೊಡ್ಡದು ಎನ್ನುವವನಿಗೆ

ತನ್ನ ತಪ್ಪಿನ ತಿಳುವಳಿಕೆ ಎಲ್ಲಿದ್ದೀತು?

ಕೋಪದಲ್ಲಿ ಮೂಗನ್ನು ಕೊಯ್ದುಕೊಳ್ಳುವವನಿಗೆ

ತನ್ನ ಕೋಪದಲ್ಲಿ ಪ್ರೀತಿಯೇ ಕಾಣದವನಿಗೆ

ತಾನು ಕಳೆದುಕೊಂಡದ್ದರ ಮೌಲ್ಯವೆಲ್ಲಿ ತಿಳಿದೀತು?

ಕೋಪ ನಮ್ಮನ್ನು ಸುಡುತ್ತದೆ..

ಪ್ರೀತಿ ನೆಮ್ಮದಿ ತರುತ್ತದೆ

ಸ್ನೇಹ ಬಾಳಿಗೆ ಅರ್ಥಕೊಡುತ್ತದೆ

ಪ್ರೀತಿ ಹೆಚ್ಚೋ? ಸ್ನೇಹ ಹೆಚ್ಚೋ?

ಎಂಬ ಹುಚ್ಚು ಕಲ್ಪನೆ ಬೇಡ

ಸ್ನೇಹವೆಂಬುದು ಎಲ್ಲದಕ್ಕೂ ಮೀರಿದ್ದು...

ಸಿಹಿ ಸ್ನೇಹವ ನೆನೆ..

ಕಹಿ ಕೋಪವ ಮರೆ...

ನಿನ್ನ ಭಾವಗಳ ದೋಚಿ ನಾ ಕವಿಯಾದೆ..

ಎಷ್ಟೊಂದು ಕವಿತೆಗಳು ಮೂಡಿವೆ...

ನಿನ್ನದೇ ಸ್ಪೂರ್ತಿಯಲ್ಲಿ...

ನಾ ಪುಟ್ಟ ಕವಯಿತ್ರಿಯಾದೆ..

ನಿನ್ನ ಭಾವಗಳ ಗೀಚುವುದರಲ್ಲಿ..

ಎಲ್ಲರಿಗೂ ಎಷ್ಟೊಂದು ಮೆಚ್ಚುಗೆ ಎಷ್ಟೊಂದು ಅಚ್ಚರಿ

ನನಗಾಗಿ ಒಂದೇ ಪ್ರಶ್ನೆ ಇದ್ಯಾವ ಭಾವ ರೂಪಾಂತರದ ಪರಿ

ನನಗೂ ತಿಳಿದಿಲ್ಲ ಗೆಳೆಯ ನೀನೇ ಉತ್ತರ ಹೇಳು

ಅದೇ ಸರಿ...

ನಿನ್ನ ಚಿತ್ರ ಗೀಚಲೇ?.. ಭಾವ ದೋಚಲೇ?

ಕನಸುಗಳ ಕದಿಯಲೇ? ನೆನಪಿನ ಚಾದರ ನಿನಗೆಂದೇ ಹೆಣೆಯಲೇ?

ಹಾಡಾಗಿ ನಿನ್ನ ಕರೆಯಲೇ?

ತಂಗಾಳಿಯಾಗಿ ನಿನ್ನ ಬಳಿ ಸುಳಿಯಲೇ?

 ಎಷ್ಟು ಬರೆದರೂ ಮುಗಿಯುತ್ತಲೇ ಇಲ್ಲ...

ನೀ ಮೂಡಿಸಿರುವ ಛಾಪು..

ದಿನಕ್ಕೊಂದು ಭಾವಗಳ ಕದಿಯಿತ್ತಿರುವೆ

ದಿನಕ್ಕೊಂದು ರೂಪು..

ನಿನ್ನ ಭಾವಗಳ ದೋಚಿ ನಾ ಕವಿಯಾದೆ..

ನನ್ನ ಹೃದಯವ ದೋಚಿ ನೀ ನನ್ನ ಸಿರಿಯಾದೆ...

                                                             ***ರಂಜನಿ ಎಸ್ ಬಳಿಸಾವಿರ್***

ನಗು..

ಒಮ್ಮೆ ನಗು..

ಯಾರಿಗಾಗಿಯೂ ಅಲ್ಲ.. ಕೇವಲ ನಿನಗಾಗಿ ನಗು..

ಮನಸು ಹಗುರವಾಗಿ ಹಕ್ಕಿಯಾಗಿ ಹಾರಲಿ

ಎಲ್ಲೋ ನೋವುಗಳು ನಿನ್ನ ಬಿಟ್ಟು ದೂರ ಹಾರಿಹೊಗಲಿ

ನೆನ್ನೆಗಳ ಕಹಿ ನೆನಪುಗಳು ಬಾಳ ಪುಟದಿಂದ ಅಳಿಸಿಹೋಗಲಿ

ಇಂದು ನಾಳೆಗಳ ಹೊಸ ಹುರುಪಿನ ಶಕೆ ಶುರುವಾಗಲಿ

ಎಲ್ಲ ಚಿಂತೆಗಳ ಮರೆತು ಒಮ್ಮೆ ನಕ್ಕು ಬಿಡು

ಆ ನಿನ್ನ ಮುದ್ದು ಮನಸ್ಸು ಮತ್ತೆಂದು ಮುದುಡದಿರಲಿ..

ಆ ನಿನ್ನ ನಗು ಎಂದು ಶಾಶ್ವತವಾಗಿರಲಿ...

ಒಮ್ಮೆ ಬರುವ ನಾಳೆಗಳ ನೆನೆ..

ಎಲ್ಲ ನೋವುಗಳ ಮರೆ..

ಬೇಡ ಭಾವನೆಗಳ ಹೊರೆ..

ಮತ್ತೆ ಬರುವೆ..ಒಬ್ಬಳೇ ನಿನ್ನ ಸವಿ ನೆನಪುಗಳ ಕದಿಯಲು..

ತಣ್ಣನೆ ಹೊತ್ತಲ್ಲಿ  ಒಬ್ಬಳೇ ಕುಳಿತೆ..

ಯಾಕೋ ಏನೋ ಅದೇನೋ ಚಿಂತೆ

ಕಾಡಿದೆ ಯಾವುದೊ ಕನಸಿನ ಕಂತೆ...

ನನ್ನ ಮೌನವ ಕದ್ದು ಕೇಳಿದೆ ಪಕ್ಕದಲ್ಲಿ ಹಬ್ಬಿದ ಲತೆ..

ತಂಪು ತಂಗಾಳಿ ತಬ್ಬಿ ಕೇಳಿತು ಏನೇ ನಿನ್ನ ಕಥೆ ...

ಎಷ್ಟು ಸೊಗಸು ಅಲ್ಲವೇ ಸವಿ ನೆನಪುಗಳ ಮೆಲಕು

ಮುದುಡಿದ್ದ ಮನಕ್ಕೆ ಎಲ್ಲಿಲ್ಲದ ಚುರುಕು...

ಮೊಗದಲ್ಲೇ ಸಣ್ಣಗೆ ಮಿಂಚಿ ಮಾಯವಾಗುತಿದೆ ಒಂದು ತುಂಟ ನಗು..

ಗೊತ್ತೇ? ನನಗೆ ನಿನ್ನದೇ ಹಂಬಲ..

ಯಾಕೆ ಈ ಥರ?

ಯಾಕೀ ಕಾತುರ?

ಉತ್ತರವಿಲ್ಲದ ಪ್ರಶ್ನೆಯೋ?

ಪ್ರಶ್ನೆಗೆ ನೀನೆ ಉತ್ತರವೋ?

ಹ್ಹ ಹ್ಹ ಹ್ಹ...

ನಿನ್ನ ಮೆಚ್ಚಿ.. ಹಚ್ಚಿಕೊಂಡ ..ಪ್ರೀತಿಯ ಹುಚ್ಚಿ ನಾನು..

ನನ್ನ ಮೆಚ್ಚಿ.. ಪ್ರೀತಿ ಹಂಚಿದ ಮುದ್ದು ಹುಡುಗ ನೀನು...

ನಿನ್ನ ನೆನಪಲ್ಲಿ ಹೊತ್ತು ಕಳೆದದ್ದೇ ತಿಳಿದಿಲ್ಲ

ಮಬ್ಬು ಕವಿದಿದ್ದರ ಅರಿವೇ ಇಲ್ಲ

ಮತ್ತೆ ಬರುವೆ..ಒಬ್ಬಳೇ ನಿನ್ನ ಸವಿ ನೆನಪುಗಳ ಕದಿಯಲು..

ನಮ್ಮ ನಾಳೆಗಳ ಸಿಹಿಗನಸುಗಳ ಹೆಣೆಯಲು..

                                                                      ***ರಂಜನಿ ಎಸ್ ಬಳಿಸಾವಿರ್***