ನಿನ್ನದೇ ನಿರೀಕ್ಷೆಯಲ್ಲಿ......

 

ನಿನ್ನ ಮನದ ಕೋಣೆಯಲ್ಲಿ ಕೂತಿರುವೆ,

ನಿನ್ನ ಹನಿ ಪ್ರೀತಿಗಾಗೆ,

ನಿನ್ನ ಪ್ರೀತಿಯ ಹಂಬಲದಿ,

ಯಾಕೆ ಈ ನಿರ್ಲಿಪ್ತ ಭಾವ,

ಕಣ್ಣು ಹನಿಗೂಡಿವೆ,

ನಿಲ್ಲುತ್ತಿಲ್ಲ ಬಿಕ್ಕಳಿಕೆ,

ಉಸಿರಂತು ಏರುಪೇರು,

ನಗುವಂತು ಮರೆತೆಹೋಗಿದೆ,

ನಿನ್ನೊಡನೆ ನಕ್ಕ ಆ ನಗುವೇ ಕೊನೆಯದು,

ನೀನು ನನ್ನ ತೊರೆದುಹೋದಲ್ಲೇ ಮೊಂಡು ಹಟದಿ ಕುಳಿತಿರುವೆ,

ನೀನೆ ಬಂದು ಸಂತೈಸುವೆಯೆಂದು,

ಹೆಚ್ಚೇನು ಬೇಡುತ್ತಿಲ್ಲ  ನಿನ್ನಿಂದ ನಾನು,

ಚೂರು ಪ್ರೀತಿ,

ಚೂರೇ ಚೂರು ಕಾಳಜಿ ಅಷ್ಟೇ,

ನಿನ್ನ ಆಸರೆಗಾಗೆ ಕಾದಿರುವೆ ಕೈ ಹಿಡಿದು ಕಾಪಾಡು,

ನಾನು ನಿನ್ನ ಕಣ್ಣುಗಳಿಂದ ಕಣ್ಣೀರಾಗಿ ಕರಗಿ,

ಮಣ್ಣಲ್ಲಿ ಮಣ್ಣಾಗುವ ಮುನ್ನ,

ನಿನ್ನ ನಿಟ್ಟುಸಿರುತಾಗಿ ನಾ ಬಾಡಿ ಹೋಗುವ ಮುನ್ನ...

                                                  ನಿನ್ನದೇ ನಿರೀಕ್ಷೆಯಲ್ಲಿ......

                                                     

***ರಂಜನಿ ಎಸ್ ಬಳಿಸಾವಿರ್ ***